शनिश्चरे । नेकपा एमालेका तर्फबाट अर्जुनधारा नगरपालिकाको मेयर पदका उम्मेद्वार बलदेव गोम्देन तामाङले अर्जनधारा नगपालिकामा एक घर एक रोजगार सिर्जना गर्ने योजनाकासाथ काम गर्ने बताएका छन् । चुनावी घरदैलोका क्रममा अर्जुनधारा–१ मा आयोजित कोणसभालाई सम्बोधन गर्दै गोम्देनले आफुहरुलाई जिताउन आग्रह गर्दै आफुहरु नेतृत्वमा आए अर्जुनधारामा एक घर एक रोजगार सिर्जना गर्ने बताएका हुन् ।

गोमदेनले १ नम्बर वडामा देखिएको नदी कटान र उत्खनन्को समस्यालाई स्थानीय सरकारले प्राथमिकताकासाथ हल गर्ने बताए । उनले कृषिमा आधुनिकीकरण, शिक्षा, स्वास्थ्य लगायतका बिषयलाई आफुहरुले पहिलो प्राथमिकतामा राख्ने बताए ।

कार्यक्रममा उपमेयर पदकी उम्मेदवार खड्गमाया पराजुली र १ नम्बर वडाका वडाअध्यक्ष पदका उम्मेदवार बिष्णुलाल ढकालले पनि स्थानीय जनताका गुनासो र समस्याहरुलाई स्थानीय सरकारले पहिलो प्रथामिकताका साथ समाधान खोज्ने बताए ।

अर्जुनधारा १ मा वडासदस्य पदमा उम्मेदवार बनेका उम्मेद्वारहरुले मतदाताहरु समक्ष आफुहरुलाई सूर्य चिन्हमा मतदान गरि विजयी गराउन आग्रह गरेका छन् ।