अर्जुनधारा । चुनावी अभियानका लागि नेकपा एमालेले अर्जुनधारामा घरदैलो अभियान शुरु गरेको छ । आगामी बैशाख ३० मा हुने स्थानीय तह निर्वाचनमा अत्याधिक बहुमतकासाथ विजयी हुने लक्ष्यका साथ एमालेले अर्जुनधारा नगरपालिकामा घरदैलो कार्यक्रम गरिरहेको छ । एमालेले आज अर्जुनधारा नगरपालिकाको ८ र ५ नम्बर वडामा घरदैलो गरेको हो ।

घरदैलोमा मेयर पदका उम्मेदवार बलदेव गोम्देन तामाङ र उपमेयर पदकी उम्मेदवार खड्गमाया पराजुली, नेकपा एमालेका नगर इन्चार्ज दिपेन्द्र लम्साल, अर्जुनधारा नगरपालिकाका प्रमुख हरिकुमार राना लगायतका नेताहरु सहभागी छन् ।

आज वडा नम्बर ५ र ८ मा भएको घरदैलो कार्यक्रममा वडाध्यक्षसहित वडा सदस्यहरु उपप्रमुख पदका उम्मेदवार पराजुलीसँग सहभागी भएका थिए ।

घरदैलोमा एमाले कार्यकर्ता र जनताको उत्साहजनक उपस्थिति देखिएको नन्दु खतिवडाले जानकारी दिए । घरदैलोमा देखिएको उत्साहजनक उपस्थितिले अर्जुनधारामा एमालेको दरिलो प्रभाव देखाएको छ । यस अघिको निर्वाचनमा एमालेले अर्जुनधारा नगरपालिकामा मेयर, उपमेयरसहित बहुमत प्राप्त गरेको थियो ।

एमालेबाट अर्जुनधारामा कुन पदमा को उम्मेद्वार ?

झापाको अर्जुनधारा नगरपालिकाको प्रमुख पदमा नेकपा एमालेका तर्फबाट बलदेव गोम्देन तामाङले उम्मेदवारी दर्ता गराएका छन् । त्यस्तै नगर उपप्रमुख पदमा खड्गमाया पराजुलीको उम्मेदवारी परेको छ । प्रमुख, उपप्रमुख, वडाध्यक्ष र सदस्यसहित एमालेले अर्जुनधारा नगरपालिकामा सबै ५७ वटा पदमा प्रमुख, उपप्रमुख, वडाध्यक्ष र सदस्यसहित एमालेले अर्जुनधारा नगरपालिकामा सबै ५७ वटा पदमा उम्मेद्वारी दर्ता गराएको हो । दर्ता गराएको हो ।

एमालेले अर्जुनधारा १ नम्बर वडाको वडाअध्यक्ष पदकालागि बिष्णुलाल ढकालको उम्मेदवारी दर्ता गराएको छ । १ नम्बर वडाका सदस्यहरुमा मदन कुमार लिमेल, दिनेश कुमार घिमिरे, मुना खत्री र इन्द्र कुमारी विश्वकर्माको उम्मेदवारी परेको छ ।

त्यस्तै २ नम्बर वडाको वडाअध्यक्ष पदमा तुलसी प्रसाद खतिवडा र सदस्यहरुमा बल बहादुर समाल, प्रेम उपरकोटी, शर्मिला सुब्बा र विमला रोक्काको उम्मेद्वारी परेको छ ।

अर्जुनधारा ३ मा वडा अध्यक्षमा हरिबहादुर वाग्ले र सदस्यहरुमा नारायण प्रसाद चापागाई, भन्द्रमाया तामाङ, सुमन कुमारी राई र सितादेवी सार्कीको उम्मोदवारी परेको छ ।

त्यस्तै ४ नम्बर वडाको वडाअध्यक्ष पदमा एकदेव खनाल र सदस्यहरुमा जित बहादुर लिम्बु, अमृत बहादुर बुढाथोकी, राधिका जवेगु र अस्मिता सार्कीको उम्मेरदवारी परेको छ ।

वडा नम्बर ५ मा डम्बर कुमार घिमिरेको वडाअध्यक्ष पदमा र सदस्यहरुमा लक्ष्मी प्रसाद खनाल, रोहित कुमार चौधरी, चन्द्र कुमारी तामाङ र रिता नेपालीको उम्मेदवारी दर्ता भएको छ ।

६ नम्बर वडाको अध्यक्ष पदमा दिवाकरलाल चौधरी र सदस्यहरुमा टुंमानाथ काफ्ले, भिम राई, रमा निरौला र कल्पना विश्कर्माको उम्मेद्वारी दर्ता भएको छ ।

७ नम्बर वडामा गोविन्द प्रसाद भट्टराईको वडाअध्यक्ष पदमा उम्मेदवारी परेको छ भने सदस्यहरुमा गोबिन्दप्रसाद खतिवडा, हरीबहादुर कटुवाल, देवकुमार राई, पार्वतादेवि न्यौपाने र जानुका विश्कर्माको उम्मेदवारी दर्ता भएको छ ।

८ नम्बर वडाको वडाअध्यक्ष पदमा कुमार प्रसाद उप्रेतीको उम्मेदवारी परेको छ भने सदस्यहरुमा ऋषी प्रसाद घिमिरे, मनोज कुमार रैका थापा मगर, मन्जु टुडु र सुजता रसाइलीको उम्मेदवारी दर्ता भएको छ ।

९ नम्बर वडाको वडाअध्यक्ष पदमा नरेन्द्र बहादुर राईको उम्मेदवारी परेको छ भने सदस्यहरुमा बुद्धिमान लिम्बु, अम्बर बहादुर थापा, गौरीमाया चिमरिया नेपाल र खड्गमाया पौडेल वि।क।को उम्मेदवारी परेको छ ।

वडा नम्बर १० को वडाअध्यक्ष पदमा भुपेन्द्र न्यौपाने र सदस्यहरुमा रुपेश लिम्बु, डम्बर बहादुर धौराली, तुलसा बिष्ट महतारा र सिता परियारको उम्मेदवारी परेको छ ।

११ नम्बर वडाको वडाअध्यक्ष पदमा खगेन्द्र इङ्नामको उम्मेदवारी परेको छ । सदस्यहरुमा पूर्णबहादुर राई, केशव अधिकारी, शुसिला गिरी र सिता कडेल दर्जीको उम्मेदवारी परेको छ ।