बिर्तामोड । झापाको हल्दिबारी गाउँपालिका उपाध्यक्ष डम्बरबहादुर गिरीले पदबाट राजिनामा दिएका हुन् । आसन्न निर्वाचनमा पार्टीको कामका लागि खटिनु पर्ने भन्दै गिरीले राजिनामा दिएका छन् । 

नेकपा एमालेबाट गाउँपालिका उपाध्यक्ष बनेका गिरीले गाउँपालिका अध्यक्ष रविन्द्र लिङ्देनलाई विहिबार राजिनामा पत्र बुझाएका हुन् । गिरीले बुझाएको राजिनामा पत्रमा निर्वाचित मितिले करिब ५ बर्षसम्म नेपालको संविधान, स्थानीय सरकार सञ्चालन ऐन तथा अन्य संघीय/प्रादेशिक कानून तथा स्थानीय कानूनले सुम्पेको काम, कर्तव्य, अधिकार र जिम्मेवारी बहन गर्दै आइरहेकोमा आसन्न स्थानीय तहको निर्वाचन, २०७९ मा पार्टीको काममा खटिनुपर्ने अवस्था सिर्जना भएकाले राजिनामा दिनु परेको उल्लेख गरेका छन् । गिरीले गाउँपालिका अध्यक्षको नेतृत्वले पुर्याएको सहयोगका लागि धन्यवादसमेत दिएका छन् ।