बिर्तामोड । झापाको बिर्तामोडस्थित देवि माविमा लागूऔषध  दुव्र्यसन, ओसारपसार तथा नियन्त्रण बिषयक सचेतनामूलक कार्यक्रम सम्पन्न  भएको  छ ।

नारी संचार गृह झापाको आयोजना तथा बिर्तामोड नगरपालिका वडा नं ५ को आर्थिक सहयोगमा  सम्पन्न कार्यक्रममा देवि माविका  विधार्थीहरूको सहभागी गराइएको  थियो ।

कार्यक्रमको उद्घाटन गर्दै प्रमुख अतिथी बिर्तामोड  नगरपालिका वडा नं ५ का वडाध्यक्ष रोहित प्रसाईलेपछिल्लो समय बिर्तामोड क्षेत्रमा पनि लागू ओैषध दुव्र्यसनको असर र बालबालिकाको संलग्नता बढेको  देखिएको बताउँदै चिन्ता व्यक्त गरे ।

भविष्यका कणर्धारका रूपमा रहेका बालबालिकालाई लागूओैषध दुव्र्यसनबाट बचाउनु सबैको दायित्व रहेको उल्लेख गर्दै बालबालिकापनि सचेत हुन जरूरी रहेको उनले बताए ।

कार्यक्रममा विद्यालयका शिक्षक युवराज ढकालले साथी संगतिका कारण पनि बालबालिका दुर्व्यसनको कुलतमा फस्ने गरेको बताउँदै यसबाट बच्न बेलाबेलामा गरिने चेतनामूलक कार्यक्रमले ठूलो मद्दत पुग्ने धारणा राखे ।

कार्यक्रमको सहजीकरण ईलाका प्रहरी बिर्तामोडका प्रहरी निरीक्षक नरेश लिम्बु र  सञ्चार गृहकी संस्थापक अध्यक्ष सावित्रा दाहालले गरेकी थिइन् ।

नारी सञ्चार गृहकी अध्यक्ष रेजिना गौतमको अध्यक्षतामा सम्पन्न कार्यक्रममा संयोजक दिपा पोखरेलले स्वागत गरेकी थिइन् । कार्यक्रमको सञ्चालन सहसचिव ज्योस्ना श्रेष्ठले गरेकी थिइन् ।