बिर्तामोड । झापाको दमक नगरपालिकाबाट नगद तथा लागूऔषधसहित एक जना कारोबारी महिला पक्राउ परेकीछन् । प्रहरीले दमक नगरपालिका वडा नम्बर ४ बस्ने ४८ बर्षीया गायत्रा गौतमलाई बिहीबार दिउँसो २ः३० बजे पक्राउ गरेको हो ।

गौतमले लागूऔषध बिक्री वितरण गरिरहेको गोप्य सुचनाको आधारमा खटिएको लागूऔषध नियन्त्रण व्युरो काँकरभिट्टा र इलाका प्रहरी कार्यालय दमकको प्रहरी टोलीले गौतमलाई पक्राउ गरेको जिल्ला प्रहरी कार्यालय झापाका सुचना अधिकारी प्रहरी नायव उपरीक्षक कृष्णकुमार चन्दले जानकारी दिए । लुकाई राखेको अवस्थामा प्रहरीले गौतमको घरबाट ९ ग्राम ५३० मिलिग्राम खैरो हिरोइन, नगद ३ लाख ३६ हजार ४ सय र एक थान मोबाइल बरामद  गरेको प्रहरीले जनाएको छ ।