बिर्तामोड । झापाको भद्रपुर-८ स्थित नमुना टोलमा मोटरसाइकलको ठक्करबाट एक वृद्धाको मृत्यु भएको छ ।
बुधबार राति ८ बजे भद्रपुर-८ नमुना टोलस्थित भित्री सडक खण्डमा भद्रपुरबाट चन्द्रगढीतर्फ आउँदै गरेको
मे ४ प ४८९६ नम्बरको  मोटरसाईकलले पहिचान नखुलेको मागि खाई हिँड्ने अन्दाजी ८०/८१ बर्षकी पहाडे मुलको जस्तो देखिने बृद्धालाई ठक्कर दिएको जिल्ला ट्राफिक प्रहरी कार्यालय झापाले जनाएको छ ।
टाउकोमा चोट लागि गम्भीर घाईते भएकी वृद्धालाई प्रादेशिक अस्पताल भद्रपुरमा उपचारका लागि लगिएकोमा ९ बजे राति उपचारको क्रममा उनको मृत्यु भएको प्रहरीले जनाएको छ।
जिल्ला प्रहरी कार्यालय झापाले मोटरसाईकल चालक झापा भद्रपुर नगरपालिका ८ बस्ने वर्ष अन्दाजि ४९ को विशन मोतेलाई नियन्त्रणमा लिएको प्रहरीले जनाएको छ।
मृतकको शव प्रादेशिक अस्पताल भद्रपुरमा रहेको छ।
यो सँगै बुधबार दुर्घटनाबाट झापामा मृत्यु हुनेको सङ्ख्या पाँच पुगेको छ।