झापा । राष्ट्रिय योजना आयोगको रिक्त रहेको पदमा ४ जना नियुक्त भएका छन् । बिहीबार बसेको मन्त्रिपरिषद् बैठकले चार जनालाई नियुक्त गरेको हो ।

प्रा. संगीता सिंह (काठमाण्डौ), डा. कुसेन्द्रबहादुर महत (जुम्ला), प्रा. शिवराज अधिकारी (पाल्पा) र डा. अरनिकोकुमार पाँडे (ललितपुर) लाई नियुक्त गरिएको सूचना तथा सञ्चार मन्त्री रेखा शर्माले जानकारी दिइन् ।

उक्त बैठकले एक हप्ताभित्र अर्को आयोग गठन गर्ने गरी राष्ट्रिय भूमि आयोग विघटन गर्ने निर्णय गरेको छ ।

बैठकले चुडामणि पौडेललाई राजपत्राङ्कित विशिष्ट श्रेणीको रिक्त सचिव पदमा बढुवा गर्नेसहित विभिन्न १६ वटा निर्णय गरेको सरकारका प्रवक्ता शर्माले जानकारी दिइन् ।