बिर्तामोड । झापाको बिर्तामोड नगरपालिका वडा नम्बर ५ स्थित कृषि बजार व्यवस्थापन समितिको पद हस्तान्तरण सम्पन्न भएको छ । मंगलबार आयोजित एक कार्यक्रमका बिच पद हस्तान्तरण सम्पन्न भएको हो ।

समितिको गत शनिबार सम्पन्न निर्वाचनबाट निरज ओली अध्यक्ष चयन भएका थिए ।

कार्यक्रममा निवर्तमान अध्यक्ष कमल पौडेलले नवनिर्वाचित अध्यक्ष ओलीलाई माइन्युट हस्तान्तरण गरेका थिए ।

कार्यक्रममा बोल्दै पौडेलले आफ्नो कार्यकालमा गरेका कामका विवरण प्रस्तुत गर्नुका साथै आफ्नो कार्यकाल सफल बनाउन सहयोग गर्ने समितिका सदस्य तथा सम्पूर्ण शुभेच्छुकहरुलाई धन्यवाद दिए ।

कृषि थोक बजारका संस्थापक अध्यक्ष हर्कलाल गिरी, बिर्तामोड–५ का वडाध्यक्ष रोहित प्रसाई लगायतले नवनिर्वाचित समितिलाई शुभकामना दिएका थिए ।

बिर्तामोड नगर उपप्रमुख नगेन्द्रप्रसाद संग्रौलाले बजार अव्यवस्थित रहेकाले गुरुयोजना मार्फत बजारलाई आधुनिक र व्यवस्थित बनाउनुपर्ने धारणा राखे ।

बजार समाजसेवी रामबाबु प्रसाईले दिएको ४ विगाह ३ कठ्ठा क्षेत्रफलमा फैलिएको छ ।