बिर्तामोड । नेवाः पासा मुना पुच बिर्तामोडले झापामा क्रियाशिल नेवा समुदायका दुई जना पत्रकारलाई सम्मान गरेको छ । जोस्ना श्रेष्ठ र विष्णु श्रेष्ठलाई नेवाः पासा मुना पुच बिर्तामोडले ३०औ साधारण सभाको अवसरमा सम्मान गरेको हो । 

बिष्णु  एपी वान र जोस्ना जन आन्दोलन डटकममा कार्यरत छिन् ।

नेवा भाषा  र सस्कृति संरक्षणमा सञ्चारको माध्यमबाट भूमिका निर्वाह गरेको भन्दै  पत्रकारद्वयलाई प्रशंसा पत्रले सम्मानित गरिएको संस्थाका अध्यक्ष दिनेश श्रेष्ठले बताए ।

कार्यक्रमका प्रमुख अतिथि भाषाविद गणेश बज्रचार्यले उनीहरुलाई प्रशंसा पत्र प्रदान गरेका थिए ।

कार्यक्रममा बिर्तामोड खानेपानी तथा सरसफाई उपभोक्ता सस्थाको सदस्य पदमा निर्वाचित माया प्रधान र बिर्तामोड उद्योग बाणिज्य संघको सदस्य पदमा निर्वाचित संस्थाका अध्यक्ष दिनेश श्रेष्ठलाई पनि प्रमुख अतिथि बज्रचार्यले  प्रशंसा पत्र प्रदान गरेका थिए । संस्थाको तर्फबाट बिर्तामोड उद्योग बाणिज्य संघको नवनिर्वाचित टिमलाई बधाई तथा शुभकामना दिएको थियो ।

कार्यक्रममा  संस्थाको सांगठानिक बार्षिक प्रतिवेदन अध्यक्ष श्रेष्ठले र आर्थिक प्रतिवेदन कोषाध्यक्ष  शर्मिला शाक्यले प्रस्तुत गरेकी थिइन् ।