झापा । इलाम नगरपालिका–४ का एक युवक भक्तपुरमा मृत फेला परेका छन् । इलाम नगरपालिका–३ घर भएका २६ बर्षीय छत्र थापा मध्यपुर थिमी नगरपालिमा–९ स्थित हनुमन्ते खोलामा मृत फेला परेका हुन् ।

राधेराधेस्थित हनुमन्ते खोलामा स्कुटरसहित थापाको शव भेटिएको जिल्ला प्रहरी परिसर भक्तपुरका डीएसपी वसन्त पाठकले बताए ।

सोमबार बिहान शवसँगै बा. ८६ प ९७३० नम्बरको स्कुटर फेला परेको छ । प्रारम्भिक अनुसन्धानबाट दुर्घटना भएको आँकलन गरिएको छ ।

शव पोष्टमार्टमका लागि दुवाकोटस्थित केएमसी अस्पताल पठाइएको प्रहरीले जनाएको छ ।