बिर्तामोड । शनिबार साँझ मोटरसाइकलको ठक्करबाट मेचीनगरमा एक जना वृद्धाको मृत्यु भएको छ । मे ११ प ५७६५ नम्बरको मोटरसाइकलको ठक्करबाट मेचीनगर ५ की देविमाया विकको मृत्यु भएको हो ।

शनिबार साँझ सात बजे घैलाडुब्बाबाट नकलबन्दातर्फ जाँदै गरेको उक्त मोटरसाइकलको ठक्करबाट देविमाया र स्थानीय नविन विककी ६ बर्षीया छोरी निशा विक घाइते भएका थिए । घाइतेद्वयलाई उपचारका लागि बीएण्डसी अस्पताल लगिएकोमा साढे सात बजे देविमायाको मृत्यु भएको जिल्ला प्रहरी कार्यालय झापाका निमित्त सुचना अधिकारी प्रहरी निरीक्षक ढुण्डीराज गिरीले जानकारी दिए ।

निशाको नाकमा चोट लागेको र उपचार भइरहेको प्रहरीले जनाएको छ । मोटरसाइकल इलाका प्रहरी कार्यालय नकलबन्दाको नियन्त्रणमा रहेको र मोटरसाइकल चालक फरार रहेकाले खोजी भइरहेको प्रहरी निरीक्षक गिरीले जानकारी दिए ।