बिर्तामोड । मोटरसाइकल दुर्घटनामा परि घाइते भएका अर्जुनधारा ९ निवासी ५५ बर्षीय खेम बरालको उपचारको क्रममा मृत्यु भएको छ । शनिबार साँझ दुर्घटनामा परेका बरालको आइतबार मृत्यु भएको हो ।

शनिबार साँझ ७:५० बजे शनिश्चरेबाट कालिस्थान जाँदै गरेका बराल अर्जुनधारा ९ चिया बगानमा आफैले चलाएको प्र १–०१–००१ प ९८१७ नम्बरको मोटरसाइकल अनियन्त्रित भइ दुर्घटनामा परेको जिल्ला प्रहरी कार्यालय झापाका निमित्त सुचना अधिकारी प्रहरी निरीक्षक ढुण्डीराज गिरीले जानकारी दिए । दुर्घटनाबाट घाइते बराललाई उपचारको लागि तत्काल शंकर अस्पताल लगिएको र थप उपचार बिर्तासिटी अस्पतालमा भइरहेकोमा आइतबार ३:५० बजृ मृत्यु भएको प्रहरीले जनाएको छ ।