बिर्तामोड । झापा गाउँपालिका वडा नं ४ को भामटोलीमा आज दिउँसो आगलागी हुँदा जलेर एक बालकको मृत्यु भएको छ । आगलागीबाट इनाम हुसेन शेखका साढे बर्षीय छोरा अतिप हुसेनको मृत्यु भएको हो ।

दिउँसो ४ः३० बजेको समयमा झापा गाउँपालिका ४ भामटोली बस्ने ईनाम हुसेन शेखको घरनजिकै रहेको परालको कुन्यूमा आगलागी भएको र नजिकै रहेको मस्जिद र कुन्युको बिचमा खेलिरहेका अतिपको जलेर घटनास्थल मै मृत्यु भएको जिल्ला प्रहरी कार्यालय झापाका निमित्त सुचना अधिकारी प्रहरी निरीक्षक ढुण्डीराज गिरीले जानकारी दिए ।

आगलागीबाट शेखको टिनको घरसमेत जलेर पूर्णक्षति भएको प्रहरीले जनाएको छ ।

प्रहरी र स्थानीयबासीले भद्रपुर र बिर्तामोडको दमकलको सहयोगमा आगो नियन्त्रणमा लिएको प्रहरीले जनाएको छ ।