बिर्तामोड । फागुन ५ गते शनिबार झापामा विद्युत अवरुद्ध हुने भएको छ । विहान ८ बजेदेखि दिउँसो ३ बजेसम्म विद्युत अबरुद्ध हुने भएको हो ।

दुहबी ग्रिड शाखाको सूचना अनुसार भोलि अनारमनी वितरण केन्द्र, धुलावारी वितरण केन्द्र, भद्रपुर वितरण केन्द्र र दमक वितरण केन्द्रअन्तर्गतका सम्पूर्ण फिडरहरुमा विद्युत अवरुद्ध हुने भएको हो । अनारमनी ग्रिडको १३२ केभी इन्कमरको सीटी अपग्रेडिङ गर्नुपर्ने भएकाले अनारमनी वितरण केन्द्रका सबै फिडरहरु बन्द रहने इन्जिनियर विभव पौडेलले जानकारी दिए । दमक क्षेत्रमा भने पाडाजुंगी सबस्टेशनबाट केही क्षेत्रमा विद्युत चालु रहने उनले जानकारी दिए ।