बिर्तामोड । भारतीय बजारबाट अवैध रुपमा नेपाल ल्याउँदै गरेको कपडा र एसियन पेन्ट्स प्रहरीले बरामद गरेको छ । मंगलबार प्रहरीले मेचीनगर र भद्रपुरबाट करिब १ लाख २० हजार मूल्य बराबरका उक्त सामाग्री बरामद गरेको हो ।

दिउँसो साढे तीन बजे इप्रका काकरभिट्टाबाट खटिएको प्रहरीले मेचीनगर ६ नकलबन्दाबाट ७० हजार मूल्य बराबरको ७० थान पैजामा बरामद गरेको जिल्ला प्रहरी कार्यालय झापाका निमित्त सूचना अधिकारी प्रहरी निरीक्षक ढुण्डीराज गिरीले जानकारी दिए । त्यस्तै साँझ पौने ७ बजे भद्रपुर ५ मेचीखोला किनारहुँदै नेपाल ल्याइँदै गरेको अवस्थामा ५० हजार मूल्य बराबरको एसियन पेन्ट्सको ११६ काटुन इनामेल, थिनर र ८१ लिटर प्राइमर बरामद गरिएको र उक्त सामानहरु भन्सार कार्यालयमा बुझाउने तयारी भएको प्रहरीले जनाएको छ ।