बिर्तामोड । शनिबार विहान पौने एघार बजे भएको आगलागीबाट मेचीनगरमा दुई घर जलेर नष्ट भएको छ । आगलागीबाट मेचीनगर १५ भिडीबस्तीस्थित लिलमुनी किस्कु र बडका मुर्मुको घर जलेर नष्ट भएको हो ।

आगलागीका कारण किस्कुको टीनको छाना र बाँसको बेरा भएको घर र सो घरभित्र भएका कपडा, अन्न, भाँडा लगायत जल्दा २ लाख ३८ हजार मुल्य बराबरको क्षति भएको जिल्ला प्रहरी कार्यालय झापाले जनाएको छ । त्यस्तै मुर्मुको घर जल्दा १ लाख ५० हजार मुल्य बराबर क्षति भएको जिप्रका झापाका निमित्त सुचना अधिकारी प्रहरी निरीक्षक ढुण्डीराज गिरीले जानकारी दिए । आगलागीका कारण मानवीय र चौपाया क्षति नभएको उनले बताए ।

आगलागीको कारण पत्ता नलागेको प्रहरीले जनाएको छ ।